Newsletter 2024/01 November

APA PRESIDENT’S MESSAGE

Kia orana tatou e te au taeake.

Ko au teia, ko to kotou taeake, ko Papa Ru, te Tama Akaaere i to tatou putuputuanga, Aitutaki People’s Association, koia ko te APA, i runga ia Rarotonga. Te oronga atu nei au i te reo akaaraveianga maanaana kia tatou katoatoa.

Teia to tatou au akaaere tei ikiia i roto i te uipaanga mataiti i roto ia Me i teia mataiti.

• Tama Akaaere – Rurutaura Tauta
• Tona Tauturu – Mona Ioane
• Mou Moni – Kairangi Thomson
• Tona Tauturu – John Tini
• Teketere – Nga Charlie
• Tona Tauturu – Iro Puna

E toru kumiti akaaere:

1. Hostel – To tatou Are Akapuanga 
2. Sports – Tipoti
3. Culture – Peu Maori

 Kumiti o te Hostel:

• Chairperson – John Strickland
• Assistant – Iro Puna
• Treasurer – Kairangi Thomson
• Assistant – John Tini
• Secretary – Strickland Upu
• Assistant – Teua Purua

Kumiti o te Sports:

• Chairperson – Teva Simona
• Assistant – Atingata Tereu
• Secretary – Theresa Matara
• Assistant – Leanne Browne
• Treasurer – Jessica Nelio
• Assistant – Kairangi Thomson

Kumiti o te Culture:

• Chairperson – Vae Unuka
• Assistant – Rurutaura Tauta
• Secretary – Naomi Ru-Brothers
• Treasurer – Uirangi Bishop

Te inangaro nei matou i te akakitekite atu i te au nuti no ta tatou putuputuanga na roto i teia ravenga. 

Ko teia i reira tetai au angaanga tei akatupuia:

APA GOVERNANCE DOCUMENTS

Kua oti ta tatou putuputuanga APA i te retitaia kia tau ki te akateretereanga a te Ministry of Justice (Incorporated Society). Te akatanotanoia nei ta tatou Constitution, inara kua oti te Strategi Plan 2024-2028. Kua oti katoa te puka moni a te putuputuanga APA i te otita (audit), mei te mataiti 2018-2023.

APA WEBSITE

Kua akatuera ia ta tatou website ‘Aitutaki Peoples Association’ https://apa.org.ck  kia rauka i te oronga atu i te karere tei akatina mou ia e te kumiti, ki to tatou iti tangata. Ka riro teia ravenga, i te akamatutu i to tatou pirianga e te rotaianga. Ka rauka katoa i te tutaki anga moni ki roto i ta tatou ANZ Bank account na roto i teia website. 

PLANS TO REFURBISH OUR HOSTEL

Te umuumu nei te APA e te Kumiti o te Hostel i te akameitaki i te turanga o to tatou ngutuare tei akono mai ana ia tatou no tetai toru ngauru tuma mataiti. E rai uatu rai te au ngai ka inangaroia kia akaou ia. Kua pe e kua putaputa te au punu o te are. Te maramarama e te au ngutupa, kua marere.

Kua tuku ia atu te karere ki te enua anau, ia Araura, e pera kia New Zealand e Australia.

KITCHEN REFURBISHMENT

Kua akamata te au rare aere no to tatou ngutuare. Kua taui ia a roto i te are amani manga. 

Kua kiriti ia te au paata rakau e kua taui ia ki te aluminium. 

BEDDINGS AND ELECTRICAL APPLIANCES

Kua tae mai e 100 roi e te au pakau no te uira i roto i te container i korai i te hostel.

KIMI MONI MUA A RAROTONGA

Ko te kimianga moni tei akanoo ia no tatou e noo i Rarotonga nei, koia ko te akaputuputuanga e $100 i roto i te au ngutuare tataki tai. Ko te kotinga o teia ko teia marama, inara kare e arai ia me topa atu ta tetai papaki ki muri ake i teia akakotingaanga. Te akatau iatu nei rai eaa tetai au kimikimi anga moni ke ta tatou ka rave no teia mataiti ki mua. 

FIRST OFFICIAL VISIT

Kua tere atu te Kumiti o te hostel ki te enua anau i te aravei i te Mayor Nicholas Henry, te au konitara e te ui ariki.

Te au manako puapinga  tei oraora ia atu:

• Te akamatutuanga i to tatou pirianga iti tangata Aitutaki.
• Ooraanga i te au tuanga i runga i to tatou ngutuare, te ka anoano ia kia akameitaki.
• Ooraanga i te akapouanga moni no te akameitakianga i to tatou ngutuare.
• Akatinamou e te akamatutu i to tatou kaveinga note au tuatau ki mua.

Tetai au tumu manako puapinga tei oraoraia mai e to tatou Ariki Vaine Tutai Clarke Manarangi Ariki, te Mayor Nicholas Henry e pera katoa te au konitara oire.

• Kia maiti ia mai e rua nga mata note enua ki runga i te kumiti akatere o te hostel.
• Kia rau te au atianga note akakitekite anga ite au moni i roto i to tatou putuputuanga.
• Kia taokotai tatou i te akapapuanga i te au tamanakoanga no to tatou ngutuare.

Kua kitea ia te ngakau taokotai i roto i teia uipaanga, e kua akatinamou te manako no te turuturu i te akakoroanga, i te akameitaki i to tatou ngutuare, metua vaine o Araura i runga ia Rarotonga.

MEETING WITH MELBOURNE REPRESENTATIVE

Kua uipaanga atu te APA kumiti ki te mata o te iti tangata Araura o Australia a Rangi Stuski i te akaari atu i te au projects tei parani ia no te akameitaki i to tatou Hostel. Kua akapapu mai a Rangi e kua turu ratou i teia akakoroanga.

WHAT’S NEXT?

• Saturday 30 November- closing of $100 per household donation drive.
• Monday 2 December – APA Executive meeting
• Tuesday 3 December – APA General Meeting 
• 25 December – Merry Christmas
• 1 January – Welcome 2025 new year!